Lurdes Álvarez - Tarántula menuda - Un regalu pa María

Lurdes Álvarez García, la poetisa de nos

TARÁNTULA MENUDA

Nunca más voi ser tuya;
sabes que dellos seres devoren el so amor:
les amantes vinientes hasta ver l’azul gris
de los postreros díes.
Asina yo,
tarántula menuda, que percorrió’l to suañu
pa trancar toles siendes.
Asina yo; nunca más voi ser tuya:
por más que siempre sepas que te quixi
y nun seas a entender el sangre que comía,
materia de cristales.
Asina yo,
abrazos de la sombra que nos dio por perdíes.

( De Como aquella que yeres)